BE.89 Logu no.130
ATE DI DIA SOROPMI

Ayat 1
Ate di dia soropMi Nuaeng, o hamatean ?
Di dia hamonanganmi Nuaeng banuatoru ?
Na talu do hamu sude Na talu do sibolis pe Ai ditaluhon Jesus

Ayat 2
Nang pe manggogo ulok i Mangalo ulubalang
Laos talu do tongamna i Dibaen na somal monang.
Tambihul ni diturbing pe. Laos so tarbaensa monang be Tarlisat do uluna.


Ayat 3
Mangolu do naung mate i Hurungan dilohahon
Dirante do musuna i Tabanna diarahon. Tung ise na mangate be
Mangalo ulubalang i Na so tarbaen so monang ?

Ayat 4
Mangolu do Tuhanta i Na hehe do Ibana
Ditaiti do ruasNa i Mangihut tu Ibana
Ndang tinggal di tanoman i Saluhut na porsea i Di hata ni Tuhanta.

Ayat 5
Ai manang ise na burju Paubahon rohana
Na mangalehon situtu Di Jesus i rohana
I do dongan ni Jesus i Tumean hangoluan i Saleleng ni lelengna.

Ayat 6
Marlas ni roha hita on Di ari haheheon
Ai tua nang di tano on Di surgo pe dilehon.
Dison tahirim i dope Disi pe idaonta be Suman tu Jesus hita.

Ayat 7
O hamatean talu ma. Sai talu ho sibolis.
Banuatoru talu ma. Ai i do naung tartulis.
Tapuji Debatanta i Dibaen hamonanganta i Marhite Tuhan Jesus.
